كتبت/ رانيا جمال
بالصفحة الأولى من الجرنان
في زمن الخَيلة الكدابة
مكتوب إعلان...
مطلوب ناس صافية وتقيِّة
بتوزع أطباق حنيِّة على أهل الحيِّ
بتراعي جيرانها وبتسامح
بتطنش خلافات أمبارح
ملهاش لا ف كدب ولا ملاوعة
جايالك دوغري وف المظبوط
ووفائها مفيش لنهايته حدود
بتحبك هتقول بصراحة
وإن كرهت وشها بيبيَّن
بيحاولوا من فرط الطيبة
ينقُّوا دبشُهم المتزيِّن
فاشلين في بُنا
مسارات وانفاق
ملتوية من الدحلاب
مطلوب ناس لسه مخبِّية
صِدقها في دولاب!
فيه إعلان بنهاية الصفحة
عن واحد لسه خلوق وبيور
اتشعلق في حبال خيانتكو
عفويته كشفت له المستور
في عصر السرعة والخذلان
مبقاش أمَلة لبن العصفور!
إقرأ أيضا رواية مجنون المدينة
إرسال تعليق