لقاءنا النهاردة مع الكاتبة زينب عامر
فى الحقيقة انا سعدت جدا بالحوار معاها وهى الوحيدة اللى عرفت تخرج منى اجابة لسؤال طويل شوية ارجوا ان الحوار ينال اهتمامكم ودعمكم للكاتبة بالمشاركة.
_ نبذة عن شخصك كإنسان
*أنا إنسانة متواضعة، محبة للحياة، اجتماعية جدا، وبحب المشاركة والاستمتاع بالحياة.
ـ نبذة عن شخصك ككاتبة
بحب الكتابة جدا لأنها بتعبر عن جانب مظلم داخل كل شخص فينا، بميل شويه للاجتماعى لأنه بيعبر عن المجتمع، لكن لما بدات خطواتى نشرت جريمة اجتماعي.
_ كيف اكتشفتى موهبتك الادبية ومتى قننتيها؟
أكتشفتها مع ممارسة كتابة الخواطر ودعم اساتذتى منذ سنوات الدراسة ولكن عدت إليها بعد انقطاع سنوات بأعمال الكترونيه وبعدين حبيت أبدء صح فدخلت ورش واتعلمت ونشرت ورقى.
بالممارسة والتمرين والعمل على تحسين أسلوبي بحيث أصل إلى يوم ما إلى ما أريد
_ كيف بدأت فكرة النشر تطرق بابك؟
أستاذي دايما كان يقول بلاش ترهق عقلك بين الورقى والالكترونى لان الدائم ورقى وبعد مشاركة فى مجموعه قصصية ورؤيتى لتلك اللحظة وتتويجها بين أيدى مجموعه من القراء قررت أنشر ورقي.
_ بتكتبى فصحى ولا عامى؟ ولا بتميلى للسرد الفصحى والحوار العامى؟
* السرد فصحى والحوار فصحى بحب جدا العمل الفصحى وبميل ليه لكن ساعات العمل بيحتاج لغة عامى بتخليني اقرر اشارك بالحوار العامى.
_ استاذة زينب انتى كاتبة موهوبة وواضح من موهبتك ان ليكى اسلوبك الخاص . السؤال هل اسلوبك الخاص اتبنى من شخصيتك المجردة ولا من خلال حبك للقراءة فنتج اسلوبك؟
*أقدر اقول الأتنين أسلوبي وبيئتى بتوحينى لكل عمل بكتبه، وحبي للقراءة فتح نافذة جديدة من الأبداع الذي جعلنى أغير منظورى للافكار بنسيج من الخيال ممزوج بالواقع الأليم.
_ بناء عالسؤال السابق، هل الكاتب المحترف لازم يكون قارىء جيد؟
* طبعاً الكاتب الجيد ما هو الا قارئ جيد.
_ الجملة اللى كانت مشهورة على لسان اى كاتب من كتابنا العظماء قديما ان الكاتب ممكن يكتب ساعة ويقرا أيام هل بيحصل معاكى كدة؟
*بيحصل طبعا خصوصا أنى مزاجية فى الكتابة جدا علشان كده بحس كل حرف بكتبه عزيز عليا، لذلك بلجئ للقراءة تساعدنى في جمع الحصيلة اللغوية وكذلك مساعدتى على العودة للكتابة بشغف.
هل اتأثرتى بأحد من الكتاب سواء قديم او حديث؟
* أيوة جداً خصوصا الأعمال المترجمة بضيف دايما مزيج جيد من اللغويات والتعبيرات التى تساعدنى في تحسين أسلوبي.
_ كثير بنلاقى أن الكتاب ممكن يستوحوا فكرة رواية كاملة من مجرد عبارة سمعوها أو قرأوها وينسجوا عليها الحوار هل دة حصل معاكِ مرة؟
* فعلا ساعات مجرد الفكرة بتيجى من مواقف او كلمات وعليها ببدأ نسج الخيال للاحداث ولحد اكتمال الفكرة.
س _ هل حصل معاك مرة وكتبتى رواية بطريقة معينة علشان تستميلى القراء ليكى ؟ بمعنى مثلا لو حسيتى ان اللون السائد هو الرومانسى المصحوب بالعنف زى الاغتصاب مثلا ؟ او ان البطل يبدأ روايته بتعذيب البطلة وهى تحبه رغم كل شىء؟
*محصلش ولا بحب النوع ده من الاعمال بالعكس دى طريقة معين ناس بتعملها في بدايتها حتى تحصل على شهرة في بداية مشوارها
س _ طيب بناء على السؤال السابق دة اية رأيك فى الروايات اللى من النوع دة؟ واية رأيك فى الكتاب اللى بيلجأوا للنوعية دى علشان الشهرة؟
*بالنسبة لبعض الكتاب في بداياتهم وخصوصًا لو الكاتب ده عايز يتعرف وسط فئة معينة، بيحاول يعمل كده، بحيث اسمه يتعرف ويتشهر أكتر، وده زي وسيلة سريعة بحيث القراء يتكلموا عنه، وبعد كده بتلاقيه من نفسه -ده لو عنده الرغبة في التطوير إنه يغير نمط الروايات اللي بيقدمها.
_ ازاى بتخططى لرواياتك التخطيط الاولى يعنى ازاى بتجمعى الشخصيات وازاى بتجمعى الفكرة والحبكة؟
*بعمل مسودة أولى للرواية والشخصيات الثانوية والرئيسية وتفاصيل كل شخصية وبعدين المسودة التانية وبعدها اقرر الكتابة.
_ بالنسبة للحبكة هل بتاخد منك مجهود علشان تخرجيها بطريقة تناسب الحكاية وشخصياتها؟
*أه طبعاً خصوصا رسالة العمل وازاي اقدر اوصلها بشكل مترابط حتى نهاية الرواية.
هل رواياتك بتخاطب كل الاعمار ولا صعبة الفهم للمراهقين مثلاً ؟
*بتخاطب الجميع، لأني بحاول أستخدم لغة سلسة مفهومة، مفعمة بالمشاعر والأحاسيس.
س _هل عدم التفاعل من الناس بيصيبك بالاحباط؟ او ممكن يهز ثقتك بكتاباتك لما بتشوف ان التفاعل الكبير للون معين بس ؟
*أحيانًا أشعر بالضيق، وخصوصًا لو استغرقت وقت في الكتابة، وكان لا يوجد حتى كلمة طيبة بسيطة.
_ اية اقرب كتاباتك لنفسك ؟
* سوزان، نزوة غير معترف بها، وتعبث بروحى الذكريات .
مين من الروائيين اللى بتحب تقرأيلهم من جيل العظماء؟
* أحمد خالد توفيق، يوسف أدريس، كارلوس زافون
ديستوفيسكى، جوزيه ساراماجو باولو كويلو، نجيب محفوظ، وغيرهم....
ومين من الجيل الحديث؟
*بحب كتابات عمر طاهر، رضوى جاويش، تميمة نبيل، كاردينيا الغوازي، نورا ناجى وغيرهم.
هل بتسمحى لدار النشر انها تتدخل فى الرواية بالتعديل او الحذف مثلا؟
* لا ومحصلش حاجه زى دى كل التغيير بيكون في الاخطاء اللغوية والاملائية.
اية السؤال اللى توقعتى انى اسألهولك ومسألتهوش؟ واية السؤال اللى كان نفسك تتسأليه؟
* سؤال عن طموحي في المستقبل، وردي عن الأخير إني أرجو إن كتاباتي تصل لكل قارئ وأتمكن من الحصول على جائزة أدبية.
هل اعتياد الكتابة بشكل يومي ليه تأثير على الحياة الشخصية؟
هو طبعا اجابة السؤال دة بتختلف من كاتب لآخر ومن كون الكاتب رجل او امرأة ، وبيفرق كمان ان كانت الكاتبة متزوجة او لأ او من كاتب بيكون عنده مقدرة انه يفصل اعماقه وشخصيته عن اللى بيكتبه او لأ
لان فى عوامل خارجية بتأثر فينا إجبارى وعن نفسى فالكتابة فعلا بتأثر فى حياتى الشخصية جدا وحياتى الشخصية بتأثر فى الكتابة بمعنى ممكن كان بيتى بيتأثر فى الاول بانشغالى فى الكتابة لان دة وقت بيتى واولادى وانا بستقطعه للكتابة بس كنت بهتم بلهفة القراء وتشجيعهم فكنت باجى على نفسى لكن وبكل صراحة لما لقيت التفاعل قل ومبآش فى تقدير مبقيتش آجى على بيتى وبقيت اكتب وقت فراغى وبس.
ومن ناحية تانى الكتابة كانت بتأثر فى حياتى الشخصية شوية لما كنت بضغط نفسى غدعلشان انجز الفصل كنت بتعصب، او لما كنت بكتب مشاهد فيها حزن شوية كنت برده بتأثر لانى ببأة بكتب بكل حواسى فباخد وقت لحد ما برجع لطبيعتى.
والعكس بالعكس صحيح يعنى لو بكتب فى مشهد رومانسى او اجتماعى لطيف كنت بقوم من عالكتابة منتعشة وكأنى انعشت نفسى ببعض المشاعر والعكس بالظبط ان حياتى كمان بتأثر فى الكتابة يعنى لو عندى مشكلة فى حياتى او نفسيا مش مؤهلة معرفش اكتب نهائى ولو اضطريت انى اكتب بتطلع كتاباتى كلها حزن ودة لأنى مبعرفش افصل نفسى عن الشخصية اللى بكتبها وبفتكر كلام الفنانين لما بيقولوا انهم لما بيتقمصوا شخصية ويبدعوا فيها مش بيكون من السهل عليهم انهم يرجعوا بسهولة لطبيعتهم وافتكرت كلام الفنان شريف منير لما قال انه فى فيلم ولاد العم من كتر ما الكل تقمص الشخصيات فعلا فحس ان منى زكى وكريم عبد العزيز بيتعاملوا معاه بحرص وكأنهم صدقه انه يهودى فعلا لحد ما انتهى تأثير الشخصيات عليهم ورجعوا لطبيعتهم
وافتكرت موقف كمان للفنان احمد ذكى وكنت مستغربة ازاى فنان يرضى يعمل عملية يغير فيها من ملامحه علشان يقربها من شكل الشخص اللى بيجسد شخصيته ويرضى انه يعيش باقى حياته وهو بأة شبه فلان
ودة كان فى فيلم عبد الناصر
الخلاصة وعن نفسى فعلا الكتابة لها تأثير كبير جدا على حياتى الشخصية.
اعداد وحوار/ رباب عبدالصمد
إرسال تعليق